Nobel baýragynyň eýesi, ýazyjy we jemgyýetçilik işgäri Rabindranat Tagoryň (1861-1941) esaslandyran Wişwa-Bharati uniwersitetiniň ýerleşýän ýeri bolan Hindistanyň Şantiniketan şäheri ÝUNESKO-nyň Bütindünýä mirasynyň sanawyna girizildi. Gurama muny 17-nji sentýabrda X sosial ulgamynda (öňki Twitter) yglan etdi.
Santiniketany (bengal dilinde “Parahatçylygyň mekany”) sanawa girizmek karary ÝUNESKO-nyň Bütindünýä mirasy komitetiniň Saud Arabystanynyň paýtagty Er-Riýadda geçiriljek 45-nji mejlisinde kabul edildi.
Santiniketan 1901-nji ýylda Günbatar Bengaliýanyň Birbhum etrabynda Rabindranat Tagoryň kakasy Debendranat Tagor tarapyndan esaslandyryldy. Ol ýerde ilki bilen gadymy hindi däp-dessurlaryna we adamzadyň dini hem-de medeni çäkleri ýeňip geçmegi başarýan jebisligi ideýasyna esaslanýan mekdep-internat we sungat merkezi peýda bolupdy.
