«Nissan» kompaniýasy 1980-nji ýyllaryň nusgawy «Hardbody» modelinden ruhlanylyp döredilen «Frontier Hardbody Edition» pikap awtoulagynyň 2024-nji ýylda çykaryljak nusgasyny tanyşdyrdy.
Täze awtoulagda gara radiator gözenegi we bezeg elementleri, ýolsuz ýerler üçin niýetlenen tekerler bilen 17 dýuýmlyk nusgawy dizaýnly diskler ornaşdyryldy. Şeýle hem ol LED faralar, 10 sany dinamikli «Fender» ses ulgamy bilen enjamlaşdyrylandyr, oturgyçlary bolsa deri bilen örtülendir.
Pikapyň 2024-nji ýyldaky nusgasynyň bahasy ABŞ-da 29,8 müň dollardan başlaýar. «Hardbody Edition» bezeg toplumynyň bahasy bolsa 3,9 müň dollar.
«Frontier» pikapy kuwwaty 310 at güýji bolan 3,8 litrlik V6 hereketlendirijisi bilen üpjün edilendir we 9 basgançakly awtomatiki geçiriş karobkasy bilen jübütlenendir. Awtoulag yzky tekerleri hereketli we ähli tekerleri hereketli görnüşleri elýeterlidir.
