Ýewropa Bileleşigi TikTok-a 368 million dollar jerime saldy

  • 18.09.2023 14:11
  • 14k+

Ýewropa Bileleşigi TikTok sosial ulgamyna kämillik ýaşyna ýetmedikler bilen baglanyşykly maglumatlary ulananda Brýusseliň maglumatlary goramak boýunça berk düzgünlerini (GDPR) bozandygy üçin 345 million ýewro (368 million dollar) jerime saldy.

TikTok-yň merkezi kwartirasy Dublinde ýerleşýär we ÝB-niň adyndan hereket edýän Irlandiýanyň maglumatlary goramak boýunça komissiýasy sosial media ägirdini üç aýyň içinde işini talaba laýyk tertibe salmaga borçly etdi.
Bu jerime 2020-nji ýylyň iýul-dekabr aýlary aralygynda bolup geçen düzgün bozmalar boýunça iki ýyllyk derňewden soň salyndy.
Bu programma ýaşlaryň arasynda gaty meşhurdyr we Irlandiýanyň häkimiýetleri öz kararlarynda şeýle netijä geldiler: çagalaryň hasap ýazgylary köpçülige mälim ediljek derejede hasaba alyndy.
Bu TikTok-yň kämillik ýaşyna ýetmedikleriň şahsy maglumatlaryny gorap bilmänligi üçin birinji gezek temmi alşy däl. Sosial ulgama 2019-njy ýylda ABŞ tarapyndan takmynan 5 million dollar, 2021-nji ýylda Niderlandlar tarapyndan 750 000 ýewro jerime salyndy. Geçen ýylyň aprelinde Beýik Britaniýa şuňa meňzeş hukuk bozulmalara ýol berendigi üçin oňa 15 million ýewro töweregi jerime saldy.
TikTok soňky salnan jerimä nädip jogap bermelidigini kesgitleýändigini aýtdy.


14.10.2025 21:48
3k+

Türkmenistanyň wekiliýetiniň gatnaşmagynda Brýusselde «Global Gateway 2025» forumy geçirildi

9–10-njy oktýabrda Türkmenistanyň Maliýe we ykdysadyýet ministri Mämmetguly Astanagulowyň ýolbaşçylygyndaky türkmen wekiliýeti Belgiýa Patyşalygynyň paýtagty Brýussel şäherinde geçirilen «Global Gateway 2025» atly ikinji foruma gatnaşdy...

11.10.2025 14:05
2.2k+

ÝB möhüm on pudakda EA-nyň ornaşdyrylmagy üçin 1 mlrd ýewro bölüp berer, bu o diýen köp däl

Ýewropa Komissiýasy ykdysadyýetiň möhüm on pudagynda emeli aňy ornaşdyrmak boýunça başlangyjyň işe girizilendigini habar berdi. Täze taslamalary durmuşa geçirmek üçin 1 mlrd ýewro bölüp bermek meýilleşdirilýär...

26.09.2025 17:46
10k+

TikTok-yň ykbaly çözüldi: sosial ulgam 14 mlrd dollara amerikan kompaniýalaryna geçdi

ABŞ-nyň Prezidenti Donald Tramp amerikan kompaniýalarynyň TikTok sosial ulgamynyň aktiwleriniň 80%-ine eýeçilik edýändigini, ByteDance-iň we hytaý maýadarlarynyň bolsa 20%-i saklap galýandygyny görkezýän permana gol çekdi...

26.09.2025 11:42
6.5k+

ÝB Türkmenistana serhet weterinariýa gözegçiligi üçin niýetlenen täze enjamlary gowşurdy

24-nji sentýabrda Türkmenistanyň Oba hojalyk ministrliginiň ýanyndaky Döwlet weterinariýa gullugy okuw otaglaryna döwrebap enjamlar toplumy gowşuryldy. Serhet gözegçiligini kämilleşdirmek üçin niýetlenen bu enjamlar Ýewropa Bileleşigi tarapyndan maliýeleşdirilýän BOMCA 10 maksatnamasynyň çäklerinde berildi...