Amerikanyň awtoulag öndürijisi «Cadillac» Detroýt awtoulag sergisinde «CT5» sedanynyň täzelenen görnüşini tanyşdyrdy diýip, motor1.com habar berýär.
Awtoulagyň daşky görnüşi gaýtadan işlendi, ol täze çyralary, gara radiator gözenegi we keşbi üýtgedilen bamperleri bilen tapawutlanýar. Salonyndaky öň panelinde diagonaly 33 dýuým bolan täze ekran peýda boldy. Esasy gurluşlaryň sanawyna indi päsgelçiligiň öňünde awtomatiki ýagdaýda duruzmak (tormoz) ulgamy girýär.
Ulanyş bilen bagly enjamlaryň sanawy hem giňeldildi. Täzelikleriň köpüsi passiw howpsuzlyk ulgamlaryna degişlidir, hususan-da, päsgelçilikden öň awtomatiki tormoz adaty gurluş hökmünde girizilýär.
Ozalky nusgada bolşy ýaly, täze awtoulag iki görnüşli turbo motor bilen teklip ediler: kuwwaty 240 at güýji bolan iki litrlik hereketlendiriji ýa-da 340 at güýji bolan üç litrlik hereketlendiriji. Ulaglarda yzky tekerler hereketlidiri. Ähli tekelerleriň hereketli ulgamy goşmaça gurluş hökmünde teklip edilýär.
