Serbiýaly tennisçi Nowak Jokowiç ABŞ-nyň Açyk çempionatynda ýeňiji bolup, “Açyk döwürde” “Uly tuwulga” ýaryşlarynda gazanan titullarynyň sany boýunça amerikaly Serena Uilýamsdan öňe geçip, absolýut rekord eýesi boldy.
US Open-iň finalynda Jokowiç russiýaly Daniil Medwedewi 6:3, 7:6 (7:5), 6:3 hasabynda utdy. Serbiýaly türgen “Uly tuwulga” ýaryşlarynda karýerasyndaky 24-nji tituly gazanyp, Serena Uilýamsdan bir titul öňe geçdi.
Ol bu ýaryşlarda ýeňiş sany boýunça rekord eýesi, professional tennisçiler we söýüjiler hukuk taýdan deňleşenden soň 1968-nji ýylda “Açyk döwür” başlamazdan ozal “Uly tuwulga” titullaryny gazanyp başlan awstraliýaly Margaret Kort bilen deňleşdi.
