Braziliýanyň milli ýygyndysynyň hüjümçisi Neýmar 2026-njy ýyldaky Dünýä çempionatynyň saýlama tapgyrynda Boliwiýanyň milli ýygyndysy bilen geçirilen duşuşykda dubl bilen tapawutlandy. Bu duşuşykda braziliýalylar garşydaşlaryny 5:1 hasabynda ýeňmegi başardylar.
Şeýlelikde, hüjümçi Braziliýanyň milli ýygyndysynyň düzüminde 79 gola adyny ýazdyryp, bu görkeziji boýunça milli ýygyndy toparynda karýerasynda 77 pökgi geçiren meşhur futbolçy Peleden öňe geçdi.
Boliwiýa bilen geçirilen oýunda Neýmar 17-nji minutda bellenen 11 metrlik jerime urgusyny amala aşyryp bilmedi.
Neýmar 2023-nji ýylyň tomusky transfer möwsüminde Saud Arabystanynyň «Al-Hilal» klubyna geçdi. Oýunçynyň resmi tanyşdyrylyşy 19-njy awgustda geçirildi. Transfermarkt portalynyň habaryna görä, Saud Arabystanynyň kluby 15-nji awgustda braziliýaly hüjümçini 90 million ýewro satyn aldy.
