OpenAI-yň baş direktory Sem Altman ilkinji bolup Indoneziýa 10 ýyllyk "altyn wiza" aldy. Bu barada Bloomberg agentligi ýerli häkimiýetlere salgylanyp habar berdi.
Indoneziýanyň immigrasiýa gullugynyň başlygy Silmi Karimiň sözlerine görä, bu karar Altmanyň "bütin dünýäde tanalýandygy we Indoneziýa peýda getirip biljekdigi" bilen baglanyşykly. Ýurtda uzak wagtlap ýaşamakdan başga-da, şeýle wizanyň eýesine ýönekeýleşdirilen giriş we çykyş amallaryna rugsat berler.
Altman iýun aýynda Jakarta eden sapary wagtynda “altyn wiza” üçin özi ýüz tutdumyka ýa-da Indoneziýanyň ykdysadyýetine maýa goýmak isleýärmikä, heniz mälim däl diýip, agentlik ýazýar.
Indoneziýa milli ykdysadyýeti ösdürmek maksady bilen daşary ýurtly we korporatiw maýadarlary çekmek üçin “altyn wiza” ulgamyny girizýär. Şeýle resminamany 5-10 ýyllyk möhlet üçin alyp bolýar diýip, The Jakarta Post duşenbe güni habar berdi.
