«Apple» App Store-da «Apple-den ykjam goşundylar» («Приложения от Apple» – «Apple Apps») atly täze bölümiň açylandygyny habar berdi. Bu barada maglumat kompaniýanyň resmi web sahypasynda peýda boldy.
Bu bölüm «iPhone», «iPad», «Apple Watch», «Mac» we «Apple TV» üçin üçünji taraplar tarapyndan däl-de, gönüden-göni «Apple» tarapyndan işlenip düzülen we goldanylýan ykjam goşundylary öz içine alýar. Hususan-da, bu sanawda «Safari» brauzeri, «iMessage» messenjeri, «Final Cut Pro» wideo redaktory we beýlekiler bar.
«Apple» ähli hyzmatlaryny birnäçe kategoriýalara böldi. Jemi sekiz bölüm bolup, häzirki wagtda «Aragatnaşyk», «Döredijilik», «Önümçilik», «Gözleg», «Güýmenje» kategoriýalary elýeterlidir.
Geljek hepdede, 12-nji sentýabrda «Apple» iri güýzki tanyşdyryş dabarasyny geçirer we onda täze «iPhone», «Apple Watch» hem-de «AirPods» enjamlaryny tanyşdyrar.
