«BMW» özüniň täze awtoulaglarynda geljekde nähili tehnologiýalaryň ulanyljakdygyny görkezmek üçin döreden «Vision Neue Klasse» konsept awtoulagynyň tanyşdyrylyş dabarasyny geçirdi. Bu barada bawariýaly öndürijiniň metbugat gullugy habar berdi.
«BMW AG-nyň» Dolandyryjylar geňeşiniň başlygy Oliwer Zipseniň bellemegine görä görä, kompaniýa 2025-nji ýylda ilkinji gezek «Neue Klasse» kysymynyň köpçülikleýin önümçilik nusgasyny taýýarlar. Awtoulag elektrik hereketlendiriji ulgamy we 21 dýuýmlyk diskler bilen üpjün edilendir, şeýle hem onuň dürli bölekleri gaýtadan işlenen materiallardan ýasalandyr, arka çyralary bolsa 3D çap enjamynda çap edilendir.
«BMW» konsept awtoulagy bilen bilelikde ilkinji gezek maňlaý aýnasynyň tutuş ini boýunça proýeksiýa bolan «Panoramic Vision» ulgamyny hödürledi. Maňlaý aýnasynda we multimediýa ulgamynyň parallelogram şekilli ekranynda görkezilen maglumatlary hereketler arkaly dolandyryp bolýar. Ulagyň salonynda bezeg hromy we deri düýbünden peýdalanylmandyr.
Konsept awtoulagynda ulanylan «BMW eDrive» tehnologiýasynyň altynjy nesli batareýanyň zarýad beriş tizligini we elektrik awtoulagynyň hereket ätiýaçlygyny 30% ýokarlandyrýar.
