Hytaýda taýkonawtlary Aýyň üstüne gondurmak missiýasyna taýýarlyk görmek maksatnamasyny amala aşymaklyga girişildi. Bu barada CGTN teleýaýlymy Hytaýyň Pilotirlenýän kosmiki uçuşlar maksatnamasy müdirliginiň (CMSA) beren beýanatyna salgylanyp habar berdi.
Teleýaýlymyň habaryna görä, taslamanyň çäginde gözleg we gurluşyk işleri eýýäm alnyp barylýar, 2030-njy ýyla çenli Hytaýyň ilkinji wekilini Aýa gondurmak meýilleşdirilýär. Bu işiň dowamynda Hytaý owalky “Çanýe” aý meýilnamalarynda modellenen, Ýeriň tebigy hemrasynyň töwereginde orbitada galar ýaly pilotsyz ulag we düşmek modulyny işe girizer. Kosmos gämisi soňra Aýyň daşyndan aýlanar we esasy stansiýa bilen biriger. Şondan soň taýkonawt gonuş modulynyň kömegi bilen Aýa gonar we gözleg işleri tamamlanandan soň bolsa onuň bilen Ýere äkitjek kosmos gämisine dolanyp bararlar.
