X sosial ulgamynda (öňki Twitter) ses we wideo jaňlarynyň funksiýasy peýda bolar. Muny ulgamyň eýesi Ilon Mask mälim etdi.
Mask X-daky sahypasynda "X-da wideo we sesli jaňlar peýda bolar" -diýip, bu aýratynlygyň iOS we Android platformalarynda, şeýle hem Apple-iň önümlerini hem goşmak bilen, adaty kompýuterlerde elýeterli boljakdygyny aýtdy. Onuň sözlerine görä, täze funksiýanyň özboluşlylygy jaň etmek üçin abonentiň telefon belgisini bilmek zerurlygynyň ýoklugy bilen baglanyşyklydyr.
Mundan ozal, Mask wideo kontenti görmek üçin täze bir formatyň girizilendigi barada habar beripdi, bu bolsa wideony ýokarlygyna bir hereket bilen geçirmäge mümkinçilik berýär. Noýabr aýynda ol Twitter Blue-yň tassyklanan hasap ýazgylary üçin tölegli abuna ýazylyşygy girizmek isleýändigini mälim edipdi. Häzirki wagtda onuň bahasy ABŞ-daky kompýuter wersiýasyny ulanyjylar üçin aýda 8 dollar, ykjam telefon wersiýasynyň ulanyjylary üçin aýda 11 dollar.
