Duşanbede Täjigistanyň S.Aýni adyndaky döwlet akademiki opera we balet teatrynyň ýolbaşçylygynda Garaşsyz Döwletleriň Arkalaşygynyň ýurtlarynyň opera we balet teatrlarynyň Utgaşdyryjy geňeşi dörediler. Bu başlangyç bilen Sankt-Peterburgda geçirilen Halkara festiwal-simpoziumynda opera we balet teatrynyň müdiri Kamoliddin Saýfiddinzoda çykyş etdi.
Bu barada teatryň Facebook-daky resmi sahypasynda habar berilýär diýip, pressa.tj belleýär.
GDA ýurtlarynyň opera we balet teatrlarynyň Utgaşdyryjy geňeşiniň döredilmegi Täjigistanyň opera we balet teatrynyň taslama teklibidi.
Bu pikir gyzgyn goldanyldy we eýýäm onuň amaly hem kanuny durmuşa geçirilişine başlanyldy.
Resmi kesgitlenen pikire görä, Utgaşdyryjy geňeş “kollegial organ bolup, bu ýerde Täjigistanyň teatryna ony döretmegiň inisiatory hökmünde häzirki wagtdan başlap, 2025-nji ýyla çenli ýolbaşçylyk etmek hukugy berilýär”. 23-nji awgustda GDA-nyň opera teatrlarynyň müdirleriniň ilkinji mejlisi geçirilip, geljekki özara hyzmatdaşlygyň perspektiwasy we meýilnamalary ara alnyp maslahatlaşyldy.
