Gyrgyzystanyň Medeniýet ministrligi çagalaryň psihiki saglygyna zyýanly hökmünde TikTok sosial ulgamyny blok etmek kararyna geldi. Bu barada edaranyň metbugat gullugy habar berýär diýip, interfax.ru belleýär. Bu karar blokirlemäni amala aşyrmak üçin Sanly ösüş ministrligine iberildi.
“Birnäçe döwlete degişli däl guramalaryň çagalaryň psihiki ösüşine we saglygyna zyýan ýetirýän TikTok sosial ulgamynyň zyýanly täsirleri baradaky ýüz tutmalaryny göz öňünde tutup, Gyrgyzystanyň Medeniýet, maglumat, sport we ýaşlar syýasaty ministrligi respublikanyň çäginde hyzmatyň işini bes etmek kararyna geldi” – diýip, metbugat gullugy habar berýär.
Edara sosial ulgamynyň mazmunyny öwrenip, platformanyň çagalaryň saglygyna we ösüşine zyýan ýetirýän maglumatlara elýeterliligi çäklendirmeýändigini, şeýle-de mazmunyň ýaş kategoriýalaryna gözegçilik etmeýändigini anyklady.
