BMW Hytaýyň Çendu şäherinde geçirilen awtoulag sergisinde «X5» krossoweriniň uzaldylan görnüşini tanyşdyrdy. Bu barada nemes öndürijisiniň metbugat gullugy habar berdi.
Täze görnüşiň uzynlygy beýleki dünýä bazarlarynda elýeterli bolan «BMW X5-den» 13 santimetr uzyndyr. Krossower salona girmegi aňsatlaşdyrmak üçin uzyn arka gapylar bilen üpjün edildi, teker bazasynyň ulaldylmagy bilen, yzky ýolagçylaryň aýaklaryny goýmaklary üçin has uly giňişlik döredildi.
«BMW X5 xDrive30Li» modifikasiýasy kuwwaty 258 at güýji bolan iki litrlik dört silindrli hereketlendiriji bilen, «xDrive40Li» bolsa kuwwaty 380 at güýji bolan 3.0 litrlik alty silindrli hereketlendiriji bilen enjamlaşdyrylandyr. Iki ulag hem 46 woltlyk herekete getiriji-generator, 8 basgançakly «awtomat» dolandyryş ulagmy we ähli tigirleriň hereket ulgamy bilen işleýär. Täzelenen nusga has inçe çyralar, yşyklandyryjylary bolan täze radiator gözenegi we sanly gural paneli hem-de multimediýa ulgamy bolan bitewi blok bilen üpjün edildi.
Uzaldylan «X5» Hytaýyň bazary üçin niýetlenendir we şu ýylyň sentýabr aýyndan Şenýandaky «BMW Brilliance Automotive» bilelikdäki kärhanasynda öndürilip başlar.
