«Kia» kompaniýasy Hytaýyň Çendu şäherinde geçirilen awtoulag sergisinde «EV5» kysymly ykjam elektrik krossowerini tanyşdyrdy. Bu barada koreýaly öndürijiniň metbugat gullugy habar berýär.
Täze ulagyň uzynlygy 4615 mm-dir. Elektrik awtoulagy kuwwaty 217 at güýji (310 Hm) bolan elektrik hereketlendiriji we 82 kilowatt-sagat sygymy bolan batareýa bilen üpjün edildi. Motor yzky bölümde oturdylandyr. Salonda sanly dolandyryş ulgamyny we multimediýa ekranyny özünde jemleýän giň panel ýerleşdirilipdir.
Kompaniýa krossoweriň içiniň sürüjiniň we ýolagçylaryň özlerini «öýdäki myhman otagynda» oturandyklaryny duýmaklary üçin taslanandygyny aýtdylar. Suratlardan görnüşi ýaly, ulagyň salonynda merkezi tirseklik ýok. Täze ulagda içerki yşyklandyryşy awtomatiki sazlamak funksiýasy ornaşdyryldy (saýlamak üçin 64 reňk berilýär). Mysal üçin, pes ýagtylyk şertlerinde ýagtylyk has öçügsi bolýar, şeýle hem ulgam sürüjä tizligiň artdyrylýandygy barada duýduryş bermäge ukyplydyr.
«Kia EV5» Hytaýda öndüriler we beýleki bazarlara eksport ediler, Hytaýda satuwlar güýzde başlanar.
