Amerikaly ylgawçy Noa Laýlz 2015-nji ýyldan bäri yzygider üç dünýä çempionatynda 200 m aralyga ylgamakda ýeňiş gazanan ilkinji sprinter boldy. Bu barada sportrbc.ru habar berýär.
Laýlzdan öň 200 m aralyga ylgamakda azyndan üç gezek ýeňiş gazanmak ýamaýkaly türgen Useýn Bolta başardypdy – 2009, 2011, 2013 we 2015-nji ýyllar. Deňeşdirmek üçin: soňky alty dünýä çempionatynda başga bir sprint aralygynda – 100 m aralyga ylgamakda iki gezek ýeňiş gazanmak hiç kime başartmady.
Budapeştde geçirilýän dünýä birinjiliginde Laýlz ilkinji gezek 100 m aralyga ylgamakda ýeňiş gazanyp bildi. Taryhda bary-ýogy bäş adam ähli sprint aralyklarda bir dünýä çempionatynda ýeňiji boldy. Laýlzdan öň bu Bolta başardypdy (2015).
Bolt dünýä çempionatlarynyň taryhynda iň köp titully ýeňil atletikaçydyr. Onuň hasabynda 11 altyn medal bar. Häzirki wagtda ol 100 m (9,58 s) we 200 m (19,19 s) aralyklara ylgamakda dünýä rekordyny saklaýar.
Ýeňil atletika boýunça dünýä çempionaty Budapeştde geçirilýär we 27-nji awgustda tamamlanar.
