«Google Pixel 8a» täze arzan smartfony pes ýygylyklarda işleýän «Tensor G3» prosessorynyň täze nesli bilen üpjün ediler. Bu barada «WccfTech» neşiri enjamyň «Geekbench 5» görkezijisinde geçirilen synaglarynyň netijelerine salgylanyp habar berýär.
Synag netijelerine görä, «Pixel 8a-da» ornaşdyrylan «Tensor G3-iň» dokuz ýadroly çipdigi ýüze çykaryldy. Ýadrolar üç topara bölünýär: ýygylygy 1,7 GGs we 2.38 GGs bolan dört ýadroly iki nusga, şeýle hem iň ýokary derejesi 2,91 GGs bolan bir ýadroly nusga. «Geekbench 5-de» Google-iň täze smartfony «Akita» kody bilen atlandyryldy.
«Pixel 8a» bir ýadroly synagda 1218, köp ýadroly synagda 3175 bal toplady. Deňeşdirsek: «Qualcomm-yň» häzirki nesliniň flagman prosessory «Snapdragon 8 Gen2» «Geekbench 5-de» degişlilikde, 1479 we 4803 bal toplapdy.
«WccfTech» aratapawudyň uludygyny belleýär. Şol bir wagtyň özünde, 2023-nji ýylyň ahyrynda «Snapdragon 8 Gen3-iň» peýda bolmagy bilen ýagdaý hasam agyrlaşar.
«Pixel 8a» 2024-nji ýylyň başynda satuwa çykarylar diýlip garaşylýar.
