Şwesiýanyň Volvo kompaniýasy tizerde EM90 elektrik miniwenini görkezdi. Modeli 12-nji noýabrda Hytaýda hödürlemek meýilleşdirilýär diýip, motor1.com belleýär. Bu brendiň taryhynda ilkinji miniwendir.
Deslapky maglumatlara görä, awtomobil Zeekr 009 hytaý miniweniniň esasynda duran SEA1 platformasyna esaslanýar. Volvo EM90 awtoulagy kuwwaty 544 at güýjüne deň bolan elektrik güýç gurluşyna we 140 kWt/s sygymly batareýa eýe bolup biler. Ýol ätiýajy 800 km bolar, awtoulag sagatda 100 km çenli 4,5 sekuntda bat alar.
Volvo EM90 miniweniniň peýda boljak ilkinji bazary Hytaý bolar. Awtomobil üçin sargytlar premýeradan soň kabul edilip başlanar.
