Hytaýda Xiaomi IT ägirdiniň puluna döredilen XiaoPaoChe SC-01 elektrik rodsteri surata düşdi. Kamuflýaž plýonkaly bu sportkar ýol synaglary wagtynda görüldi diýip, gazeta.ru habar berýär.
Rodsteriň uzynlygy 4085 mm barabar, teker bazasy 2500 mm, awtoulagyň enjamlaşdyrylan agramy – 1300 kg. Awtomobil iki elektrik hereketlendirijisi bilen üpjün edilen, güýç gurluşynyň umumy kuwwaty 435 at güýjüne deň, awtoulag sagatda 100 km çenli 3,9 sekuntda bat alýar. Sportkar batareýanyň bir zarýadynda, takmynan, 500 km geçip bilýär. Çak edilişine görä, modeliň önümçiligi 2024-nji ýylyň ikinji ýarymynda başlar.
XiaoPaoChe brendi geçen ýylyň sentýabr aýynda Hytaýda işe girizildi. Bu brend bilen elektrik sport awtomobilleri çykarylýar. Ol 2016-njy ýylda esaslandyrylan Tianjin Gongjiangpai Auto Technology kompaniýasyna degişlidir. Xiaomi IT ägirdiniň bu kompaniýa onlarça million ýuan maýa goýandygy bellenilýär.
