Russiýanyň gymmat bahaly materiallardan ýasalan enjamlary öndürýän «Caviar» kompaniýasy «Barbi» filminiň we oýnawaçlarynyň stilinde bezelen «Barbiecore» enjamlarynyň toplumyny tanyşdyrdy. Bu önümler barada maglumatlar brendiň resmi web sahypasynda ýerleşdirildi diýip, gazeta.ru habar berýär.
Ýygyndyda bäş enjam bar: Samsung Galaxy Z Fold we Z Flip 5 eplenýän smartfonlar, iPhone 15 Pro we 15 Pro Max, şeýle hem Apple Watch Series 9.
«Samsung-yň» dizaýny «Glam Vibes» diýlip atlandyryldy. Onuň korpusynyň ýarysy 23 karatlyk gülgüne altyn bilen örtülendir, ol 49 sany rubin daşyny, «Barbi» filmindäki köwşüň nagşyny we gülgüne reňkli emeli sütükden pompony özünde jemleýär. Olaryň bahasy 8,56 müň dollardan başlanýar.
«iPhone 15 Pro» we «Pro Max» smartfonlarynyň dizaýnyna «Stiletto» diýlip at berildi. Bu bezegde smartfonuň kamera blogy, enjamyň gapdal bezegleri, «Caviar» logotipi bolan brelok we arka gapakda ýerleşdirilen filmdäki aýakgabyň şekili gülgüne altyndan ýasaldy. Kamera blogy 61 sany «Swarovski» kristallary bilen çarçuwalanandyr. Olaryň hem bahasy 8 müň dollardan başlanýar.
Özboluşly «Apple Watch» «Hot Pink» diýlip atlandyryldy. Sagadyň korpusy 316L poslamaýan polatdan ýasalyp, gülgüne altyndan PVD gatlak bilen örtülendir. «Digital Crown» düwmesi hem polatdan ýasalyp, gülgüne altyn bilen örtüldi. Bilezik gülgüne reňkli rezinden ýasalandyr. Sagadyň bahasy 1,9 müň dollar.
«Caviar-yň» bu önümlerini öňünden sargyt etmek mümkindir.
