Gymmat bahaly materiallardan ýasalan özboluşly smartfonlary öndürýän russiýaly öndüriji «Caviar» açyk reňklerde ýerine ýetirilen «iPhone 15 Pro-ny» we «15 Pro Max-y» öz içine alýan «Rich Colors» atly täze toplumyny hödürledi. Bu barada habar brendiň resmi web sahypasynda ýerleşdirildi.
«Rich Colors» bäş sany bezeg nusgasyndan ybarat. Birinjisi «Dark Red» diýlip atlandyrylýar. Bu nusganyň arka tarapy mermer karbonyndan ýasalyp, «Design by Apple. Customized by Caviar» ýazgyly titan panel bilen üpjün edilendir. Alma şekilli logotip «Van Cleef & Arpels» tarapyndan gara perlamutradan ýasaldy. Ikinji nusga «Starry Night» hem şol materiallardan taýýarlandy. Model diňe arka gapagyň nagşy bilen tapawutlanýar, ol Wan Gogyň «Ýyldyzly gije» suratynyň stilinde ýasalypdyr. Üçünji reňk «Titan Black». Awiasiýa titanyndan ýasalan arka gapagy bilen tapawutlanýar. Dördünji nusga – «Ultra Black» hem uçar titanyndan ýasalan, ýöne gara perlamutradan däl-de, 18 karatlyk altyndan ýasalan logotip bilen üpjün edilen. «Ultra Gold» nusgasy tutuşlygyna altyndan ýasalan arka gapagy bilen tapawutlanýar.
Her bir görnüş 99 nusgadan ybarat çäkli sanda öndüriler. Ähli täze nusgalar öňünden sargyt etmek üçin elýeterlidir. Olaryň satuwy 22-nji sentýabrdan soň başlanar.
