«Atom» kysymly rus elektrik awtoulaglarynyň maglumat-dynç alyş ulgamy başga işläp düzüjileriň ykjam goşundylaryny, şol sanda tanyşlyk boýunça goşundylary goldap biler diýip, gazeta.ru habar berýär.
Elektrikli awtoulaglar «Atom OS» operasion ulgamy bilen üpjün ediler, ol awtoulagdaky sürüjilik bilen baglanyşykly ähli dolandyryş ulgamlaryna (mysal üçin, maňlaý aýnasynyň aşagyndaky proýeksiýa ekranynyň we sürüjä kömek ulgamlarynyň işine) jogap berer.
«Biz size awtoulaglar barada spidometriň dizaýnyndan başlap, tanyşlyk boýunça ykjam goşundylary işe girizmäge çenli öz garaýyşlaryňyzy durmuşa geçirmek üçin gurallary berýäris. Şeýlelik bilen, elektrik ulaglary üçin ulgamlaryň we programmalaryň özgermegine goşant goşýarys, programma üpjünçiliginiň çözgütlerini ornaşdyrmagy we ösdürmegi çaltlaşdyrýarys» diýip, kompaniýanyň wekilleri belleýärler.
Iýul aýynda «Atom» rus elektrik ulaglary üçin sargytlary kabul edip başlady, awtoulaglaryň önümçiligine 2025-nji ýylda başlamak meýilleşdirilýär. Elektrik awtoulagy 0-dan 100 km-e 8 sekuntda çykmaga ukyply hereketlendiriji bilen üpjün ediler. Akkumulýatoryň iň ýokary kuwwaty 77 kWt, ýol ätiýaçlygy bolsa 500 km bolar.
