Ispaniýanyň milli ýygyndysy futbol boýunça zenanlaryň arasynda dünýä çempionaty 2023-de ýeňiji boldy.
Final duşuşygynda ispanlar Angliýanyň milli ýygyndysynyň zenan futbolçylaryndan has güýçli geldiler. Duşuşyk Sidneýiň Olimpiýa stadionynda geçirildi we 1:0 hasabynda tamamlandy.
Ýeňijileriň düzüminde ýeke-täk pökgini «Realyň» oýunçysy 23 ýaşly Olga Karmona Garsiýa oýnuň 29-njy minutynda geçirdi.
Oýnuň 70-nji minutynda ispanlar 11 metrlik jerime urgusyny ýerine ýetirip bilmediler – «Paçukanyň» 33 ýaşly hüjümçisi Jenifer Ermozo pökgini tora girizmegi başarmady.
Ispaniýanyň zenanlar ýygyndysy üçin bu taryhdaky ilkinji çempionlyk boldy. Angliýaly zenan futbolçylar bolsa ilkinji gezek ýaryşyň kümüş medallaryna eýe boldular.
19-njy awgustda geçirilen üçünji ýer ugrundaky oýunda bolsa Şwesiýa Awstraliýany 2-0 hasabynda ýeňdi.
