Täze «Vivo X100 Pro Plus» fotoflagmanynyň esasy aýratynlyklarynyň biri optiki ýakynlaşdyrmak üçin niýetlenen 200 MP durulykly telefotokamerasy bolar.
Bellenilmegine görä, täze «Vivo» smartfony her biri azyndan 50 MP durulykly ýene iki esasy kamera bilen üpjün ediler. Olaryň biri üýtgeýän aperturaly «Sony IMX989» sensory, beýlekisi bolsa «Sony IMX758» sensory bolar.
Şeýle hem «Vivo X100 Pro Plus-da» 120 Gr-e çenli täzeleniş tizligi bolan 6,78 dýuýmlyk ekran, «Snapdragon 8 Gen» prosessory, ultrasesli barmak yzy skaneri we «IP68» standarty boýunça suwa we tozana garşy gorag boljakdygy bellenilýär.
«Vivo-nyň» täze flagmanynyň Hytaýda 2023-nji ýylyň sentýabr aýynda satuwa çykarylmagyna garaşylýar. Enjamyň bahasy aýan edilmeýär.
