«Apple» täze «iPhone 15» smartfonlarynda zarýad beriş tizligini ýokarlandyrmagy meýilleşdirýär diýip, gazeta.ru 9to5mac portalyna salgylanyp habar berýär.
Çeşmäniň bellemegine görä, täze enjamlar 35Wt zarýad beriji bilen üpjün ediler, bu häzirki iPhone 14 we 14 Plus-dan 15Wt, iPhone 14 Pro we 14 Pro Max-dan 8Wt köpdür. Şeýle aýratynlygyň ähli «iPhone 15» nusgalarynda boljagy ýa-da diňe uly «Pro» nusgasynda ornaşdyryljagy heniz belli däl.
Bu öz smartfonlarynyň zarýad beriş tizligi boýunça, adatça, bäsdeşlerinden yza galýan «Apple» üçin öňe tarap ädimdir. Mysal üçin, häzirki zaman «Android» smartfonlary 67Wt, 80Wt, 120Wt, 150Wt we hatda 240Wt zarýad berijileri hödürleýär. Şeýle-de bolsa, «Samsung-yň» flagman nusgalary 45Wt çenli zarýad üpjünçiligini goldaýar, iň soňky «Google Pixel 7 Pro» smartfony bolsa bary-ýogy 23Wt kuwwatlylygy goldaýar.
Bellenilmegine görä, «Apple» batareýanyň könelmegini üpjün etmeýän has ygtybarly zarýad beriş ulgamyny saýlamak bilen, düýpli üýtgeşmelere taýyn däl.
