Amerikaly türgenler ýeňil atletika boýunça dünýä çempionatynda 4x400 metr aralyga estafetada dünýä rekordyny goýdular. Bäsleşikler Budapeştde dowam edýär.
ABŞ-nyň ýygyndysy jemleýji ýaryşda 3 minut 8,80 sekunt netijäni görkezdi. Oňa Jastin Robinson, Rosi Effiong, Mettýu Boling we Aleksis Holms wekilçilik etdi. Ikinji ýeri Beýik Britaniýanyň topary, üçünji orny Çehiýanyň topary eýeledi.
Bu ugurda ozalky dünýä üstünligem amerikaly türgenlere degişlidi, olar 2019-njy ýylda Katarda geçen dünýä çempionatynda 3 minut 9,34 sekunt netijäni görkezipdiler.
Budapeştde dowam edýän dünýä çempionaty 27-nji awgustda tamamlanar.
