Ford kompaniýasy başlangyç bahasy 41 025 dollar bilen hödürlenýän 2024-nji model ýylynyň Ford Bronco kysymly wnedorožnigi bilen tanyşdyrdy.
Ford Bronco 2024 hatary üçin öndüriji 37 430 dollarlyk esasy görnüşiniň ýönekeý bezeginden we kiçi tekerlerinden ýüz öwürdi, şonuň üçin onuň başlangyç bahasy 3595 dollar ýokarlandy. Onuň täze başlangyç wersiýasy Big Bend bolar, ondaky 16 dýuýmlyk diskler 32 dýuýmlyk şinalar örtülen 17 dýuýmlyk tigirler bilen çalşyryldy, LED duman çyralary, deri bilen örtülen dest we ş.m. goşuldy.
Maglumat-güýmenje ulgamynda uly üýtgeşmeler bolup geçdi. Sekiz dýuýmlyk duýgur ekran öz ornuny 12 dýuýmlyk ekrana berdi. Ford, wnedorožnigi müşderileriň isleglerine görä sazlamak üçin, Bronco-nyň esasy modelini hatardan aýyrmak kararyna gelnendigini nygtaýar. Mundan başga-da, bu önümçiligiň wagtyny azaltmaga kömek eder.
10 tizlikli awtomatiki transmissiýaly 2,3 litrlik EcoBoost hereketlendirijisi bilen enjamlaşdyrylan Everglades-iň bezegi kämilleşdirilen 4 x 4 ulgamy bilen üpjün edilendir.
Badlands wersiýasy täze Heavy Duty Modular bamperini alýar, iň ýokary derejeli Bronco Raptor bolsa iki sany täze reňkde çykar (Shelter Green Metallic and Velocity Blue) we mämişi öwüşginlerini goşýan Code Orange bukjasyny alar.
