Italiýanyň «Loro Piana» modalar öýi «Ýuwentus» professional futbol topary bilen hyzmatdaşlygynyň täzelenendigini habar berdi.
Futbol topary bilen moda brendiniň arasyndaky hyzmatdaşlyk 2021/22-nji möwsümde başlandy. Geçen ýyl şertnama diňe 2022/23-nji möwsüm üçin uzaldylman, eýsem, «Ýuwentusyň» zenanlar toparyna-da degişli edildi.
«Öý resmi dabaralardan başlap, 2023/24-nji möwsümiň dowamynda oýundan öňki we oýundan soňky çykyşlara çenli ähli resmi çärelerde oýunçylary geýindirer» diýip, «Loro Piana» modalar öýünde bellediler.
Brend futbolçylar üçin täze egin-eşik nusgalaryny «depginli we özboluşly» diýip atlandyrýar. Olar gök, mawymtyl-çal we gaýmak reňklerinde bolar. Oýunçylar pagtadan polo köýnekleri we nah ýa-da ýüň balaklary geýerler. Täze möwsümde inçe aýratynlyklar bilen nusgawy keşpleriň üsti ýetiriler. Aýakgap hökmünde bolsa deri mokasinler ulanylar.
«Loro Piana» 1924-nji ýylda döredilen italýan kompaniýasy bolup, ýüňden we kaşemirden lýuks egin-eşikleri öndürýär.
