2022-nji ýylyň güýzünde Ýewropa Bileleşiginde ykjam platformalary döredijileri ulanyjylara başga dükanlardan goşundylary gurnamaga rugsat bermäge borçlandyrýan sanly bazarlar barada kanun kabul edildi. Bu ýagdaý, esasan, iPhone we iPad auditoriýasyna goşundylary App Store-den daşary dükanlardan ýüklemegi gadagan eden Apple kompaniýasyna täsir eder diýip, championat.com habar berýär.
Kanun indiki ýylyň başynda güýje girmeli we bazardaky esasy oýunçylar eýýäm bu waka taýýarlyk görýärler. Meşhur Setapp serwisini döredijiler iPhone we iPad üçin öz goşundylar dükanyny açmagy meýilleşdirýärler – eýýäm 30-dan gowrak işläp düzüjiler awtorlaryň pikirini goldadylar we öz goşundylaryny oňa çykararlar. Ol diňe Ýewropada işlär.
Setapp ýylyň ahyryna çenli ähli maglumatlar bilen paýlaşmagy wada berip, ulanyjylara habarlar býulletenine ýazylmagy teklip etdi.
