Kataryň milli awiakompaniýasy Qatar Airways Kataryň Gran-prisiniň şanyna Boeing 777-300ER uçarlarynyň biri üçin ýörite liwreýa hödürledi. Reňkleme işi fýuzelýažda bolid sürüjisini şekillendirmek bilen Formula-1-iň stilinde ýerine ýetirildi. Bu barada championat.com habar berýär. Ýatlap geçsek, Qatar Airways Formula-1-iň hyzmatdaşy we Kataryň Gran-prisiniň titul hemaýatkäridir.
Formula-1-iň häzirki möwsüminde Katardaky tapgyr 6 – 8-nji oktýabrda geçiriler. Dohada möwsümiň alty sprint ýaryşynyň biri geçiriler. Häzirki wagtda Konstruktorlaryň kubogynda “Red Bull” öňdebaryjydyr. Awstriýaly toparyň hasabynda 503 utuk bar. Ikinji orny “Mersedes” eýeleýär (247 utuk). Liderleriň üçlügini 196 utuk bilen “Aston Martin” jemleýär.
