Täze daş asyry döwründe Hytaýyň ýaşaýjylary çylşyrymly inženerçilik gurluşlaryny döretmegi başarypdyrlar. Kaliforniýa uniwersitetiniň alymlary ýurduň iň gadymy keramiki zeýkeş turbalarynyň ulgamyny tapanlaryndan soň şeýle netijä geldiler.
Pinlýan-Taý obasyndan keramiki turbalar we zeýkeş çukurlary tapyldy. Onuň ýaşy 4000 ýyl diýlip çaklanylýar. Şol döwür Lunşan medeniýetiniň döwrüne degişlidir.
Suw turbalary aýratyn segmentler birleşdirilip döredildi. Her segmentiň uzynlygy 30-40 sm, diametri 20-30 sm.
Öňki gözlegler neolit döwründe bu sebitiň howasynyň musson ýagyşlary bilen tapawutlanandygyny görkezdi. Zeýkeş ulgamy artykmaç suwy aýyrmaga mümkinçilik beripdir. Jaýlaryň gapdalyndan ganawlar geçipdir, olardanam suw keramiki turbalara, soňra bolsa obanyň töwereginden çekilen garymlara akypdyr.
