Türkmenistan bilen Gazagystan özara söwda dolanyşygyny şu ýylyň ilkinji alty aýynda 242,7 million dollara çenli artdyrdy, söwda balansynda türkmen eksportynyň paýy 61,3 million dollardan geçdi. Bu baradaky maglumatlar Gazagystan Respublikasynyň özgertmelerini strategiki meýilleşdirmek boýunça agentligiň Milli statistika edarasy tarapyndan çap edilen hasabatda görkezilýär.
Gazagystanyň dünýäniň ähli ýurtlary bilen umumy söwda dolanyşygy 67,2 milliard dollara ýetdi, takmynan 17,4 milliard dollar paýy bolan GDA döwletleri ýurduň esasy söwda hyzmatdaşlaryndan biri bolmagynda galýar. Umuman alanyňda, respublika 205 ýurt bilen söwda edýär.
Astananyň esasy söwda we ykdysady hyzmatdaşy Hytaý, Russiýa onda sähelçe yzdadyr. ÝB-ne agza ýurtlaryň arasynda Italiýa - Gazagystan, Merkezi Aziýa sebitindäki goňşularyň arasynda - Özbegistan bilen söwdada öňdebaryjy boldy.
Umumy serhetleri bolan Türkmenistan bilen Gazagystan ikitaraplaýyn ykdysady gatnaşyklary işjeň ösdürýär. Geçen ýyl ýurtlaryň arasynda eksport-import amallarynyň ösüş depgini rekord 70% -den geçdi. Häzirki wagtda Aşgabat we Astana halkara ulag geçelgeleriniň çäginde harytlaryň üstaşyr geçişini ýokarlandyrmak üçin iş alyp barýarlar.
