Land Rover Defender-iň ABŞ-nyň bazarynda satuwa çykarylmagy mynasybetli iňlis awtoulag öndürijisi Land Rover Defender Trophy Edition atly ýörite wnedorožnik çykardy.
2023–nji ýylyň Land Rover Defender Trophy Edition-i Defender 130 P400 SE esasly bolup, tutuksy Santorini gara reňkli bezegi, gapy panellerindäki we ätiýaçlyk tekeriniň gapagyndaky altynsow nagyşlary, şeýle-de täze Defender Trophy nyşany bilen tapawutlanýar. Şeýle hem, awtoulag giňeldilen gara daşky paketi, Ebony Grained deri bezegini we salonyndaky marka nyşanlaryny aldy.
Wnedorožnigiň goşmaça enjamlaryna Pelican Products-yň üçekdäki ýükdany, yza çekilip bilinýän merdiwan, elektrik lebedka, öňdäki we yz tarapdaky suw pürküjiler, teker arkasyny goraýjylar, çekiji kabul ediji, sowuk howa bukjasy, gara açyk yzky halas ediş gurallary, Off-road we Advanced Off -road Capability Pack paketleri, öňdäki gorag aýnasy we bagaž bölümindäki rezin halyçalar girýär.
Bu üýtgeşik bezegli awtoulagyň diňe 230 sanysy goýberiler, olaryň 10-sy Kanadada satylar. Awtoulag uzyn tekerli Defender 130 P400 SE modifikasiýasynda 400 at güýji bolan 6 silindrli ýokary güýçli benzinli hereketlendirijili guruldy.
Defender Trophy Edition 2023-nji ýylyň awgust aýynda bölek satuw bahasy 103 000 dollardan teklip ediler.
