Toyota ABŞ-nyň bazary üçin çykarylan iň täze Land Cruiser Prado 2024-iň (başgaça ady Prado 250) ýangyç sarp ediş maglumatlaryny yglan etdi. Şol ýerde model 2,4 litrlik turbo hereketlendirijisini, elektrik hereketlendirijisini we 8 tizlikli awtomatiki geçirijini öz içine alýan gibrid elektrik bekedi bilen enjamlaşdyrylypdyr. Kuwwaty - 326 at güýjüne deň we kombinirlenen aýlawda sarp ediş - 100 km üçin 8,71 litr. Çarçuwaly wnedorožnik üçin, üstesine 300 at güýçli ulaga bu göwnejaýdyr. Esasanam, bäsdeşleriň deňesinde bu makul hasaplanýar.
Deňeşdirmek üçin, EPA-nyň maglumatlaryna görä, 2,3 litrlik hereketlendirijisi bolan Ford Bronco Badlands kombinirlenen aýlawda 100 km üçin 13,8 litr sarp edýär. 2,0 litrlik hereketlendirijisi bolan Land Rover Defender hem 110 km üçin deň mukdarda, ýagny, 13,07 litr sarp edýär. Hatda 2,0 litrlik benzinli hereketlendirijisi bolan Jeep Wrangler 4xe gibrid 100 km üçin 11,6 litr sarp edýär. Dogry, bu ýagdaýda başga maglumatlar hem bar: eger Jeep Wrangler 4xe-iň çekiş batareýasy doly zarýadlanan bolsa, sarp ediş 100 km üçin 4,8 litre çenli azalýar.
Umuman aýdanyňda, Land Cruiser Prado 2024 özüne meňzeşleriň deňinde gaty gowy görünýär, diňe hakyky ýangyç sarp edilişiniň resmi maglumatlara näderejede laýyk boljakdygyna düşünäýmek galýar.
