Hyundai kompaniýasy täze Hyundai Santa Fe krossoweriniň ekstremal XRT görnüşinde elýeterli boljakdygyny tassyklady. Hyundai Santa Fe XRT, modeliň diňe iňlis Land Rover Defender bilen meňzeşligini ýokarlandyrýan, wnedorožnigiň aksessuarlaryny alar.
Awtoulagyň bäşinji gapysyna merdiwan, wetkootboynik tanaplary we yzky gapdal penjiresinde ownuk zatlar üçin guty goşuldy. Ýol tekerleri palçyga durnukly tekerler bilen çalşyryldy. Ätiýaçlyk teker üçekdäki ekspedisiýa ýükdanyna geçirildi.
Awtoulag täze H görnüşli faralar we çyralar bilen enjamlaşdyryldy, şeýle hem daşy has ýokary kaşaň görnüşe getirildi. Hyundai-da aýdyşlaryna görä, täze Hyundai Santa Fe işjeň durmuş ýörelgesini halaýanlar üçin amatly boldy.
Bäşinji nesliň krossoweri uly teker bazasyny we giň yzky gapyny, şeýle-de awtoulagyň eýelerine giňiş ýük meýdançasyny hödürleýär. Ulagyň takyk göwrümi aýan edilmedi, ýöne ikinji we üçünji hatardaky doly eplenen oturgyçlar iň gowy giňişligi üpjün eder diýip, Hyundai kompaniýasynda mälim etdiler.
Amerikanyň Birleşen Ştatlarynda krossoweriň iki görnüşde – benzinde işleýän hereketlendirijili we gibrid görnüşde çykaryljakdygy öňden bellidi. Ýewropada diňe gibrid Santa Fe görnüşi satylar.
