Şu günler ýurdumyzyň ýolbaşçy düzümi zähmet rugsadynda bolmak bilen dürli sport çärelerine gatnaşýarlar. Olaryň köpüsi Hazar deňziniň kenaryndaky “Awaza” milli syýahatçylyk zolagynda dynç alýarlar.
Türkmenistanyň Halkara habarlar merkeziniň habar bermegine görä, dynç alyş günleriniň birinde ýurdumyzyň ýolbaşçy düzümi bu ýerde guralan welosipedli ýörişe çykdylar. Şunuň ýaly çäreler ynsan saglygynyň berkidilmegine, ekologiýa abadançylyk derejesiniň ýokarlandyrylmagyna hem-de welosiped sportunyň wagyz edilmegine ýardam berýär, şeýle hem sagaldyş we terbiýeçilik ähmiýeti bilen bir hatarda, dynç almagy wagyz ediş wezipeler bilen utgaşdyryp, aýratyn ruhubelentlik güýjüni berýär.
