Beýik Britaniýanyň patyşasy Karl III şazada Uilýama we Keýt Middltona täze harby derejeleri berdi. Bu barada gazeta.ru «The Telegraph» neşirine salgylanyp habar berýär.
Patyşa Karl III Uilýama we Keýte Uelsiň şazadasy we şagyzy derejelerini bermeginden bir ýyla golaý wagtdan soň jübüt goşmaça harby derejelere hem eýe boldy. Keýt Middlton Flotyň harby-howa güýçleriniň serkerdebaşysy, 1-nji Patyşalyk dragun gwardiýa polkynyň we Koninsbidäki Patyşalyk Harby-howa güýçleriniň patyşalyk hormat kommodorynyň serkerdebaşysy hökmünde bellenildi. Şazada Uilýam bolsa Mersiýa polkunyň we Goşunyň howa korpusynyň polkownik-serkerdebaşysy, şeýle hem «RAF Valley-iň» hormatly patyşalyk awiasiýa kommodory boldy.
Patyşalyk maşgalasynyň beýleki agzalaryna hem harby derejeler berildi. Şa aýaly Kamilla Patyşalyk goşunynyň kapellanlarynyň howandary, şagyzy Anna Şotlandiýanyň Patyşalyk polkunyň polkowniginiň orunbasary, Karl III-niň dogany Edinburgyň gersogy Edward bolsa Patyşalyk dragun gwardiýasynyň we gusarlar polkunyň polkownik-serkerdebaşysy wezipelerine bellenildi.
