General Motors 2024-nji model ýylyndan başlap, öz elektrik ulaglaryna energiýanyň “paýlanyşyny” funksiýasyny girizip başlar. Çekiş batareýasynda ätiýaçlykda galan elektrik energiýasyny, mysal üçin, jaý bilen paýlaşyp bilerler.
Chevrolet Silverado kysymly awtoulag täze tehnologiýa ilkinji bolup eýe bolar. Ondan soň GMC Sierra Denali Edition 1-e, Chevrolet Blazer we Equinox-e, Cadillac Lyriq-e we Escalade IQ-e nesip eder. 2026-njy ýyldan başlap, agzalan aýratynlyk satylan her GM elektrik awtoulagynda bolar.
Şeýle çözgüt birden elektrik togy kesilende we energiýa çykdajylaryny optimizirlemek üçin peýdaly bolup biler. Ikinji ýagdaýda, eýesi gijäni stasionar ulgamdan pes nyrhda zarýad alyp biler we iň ýokary nyrhlarda ony ätiýaçdaky iň arzan energiýanyň çeşmesi hökmünde ulanar.
