«BMW» kompaniýasy «7 Series» kysymly sedanynyň sowutlanan nusgasyny hem-de onuň «i7» kysymly eletrikleşdirilen görnüşini görkezdi. Awtoulag ýolagçylary ot açýan ýaraglardan we partlaýjy serişdelerden goramaga ukyplydyr. Ol VR9 gorag derejesine laýyk gelýär.
«BMW-niň» «ýedinji» kysmynyň daşky gurluşy tutuşlygyna sowutlanan polatdan taýýarlanandyr. Ulagyň «BMW Protection Core» konsepsiýasy berkidilen gapylar, sowutlanan aşaky bölek hem-de ok geçirmez aýnalar bilen utgaşýan gorag kapsulasyny özünde jemleýär.
Şunuň bilen birlikde, «BMW-niň» inženerleri sowutlanan nusgany adaty sedan bilen aratapawudyny iň pes derejä çenli getirmäge çalşypdyrlar. Ulagyň benzin bilen işleýän nusgasynda 530 at güýji kuwwaty bolan 4.4-lik turbomotor ýerleşdirildi, «i7» bolsa 544 at güýji kuwwaty bolan iki sany elektromotor bilen üpjün ediler.
