Eplenýän «Samsung Galaxy Z Flip5» we «Fold5» smartfonlaryny million adam satyn aldy. Bu barada lenta.ru «GSM Arena» neşirine salgylanyp habar berýär.
Berilýän maglumatlara görä, «Samsung» täze eplenýän flagman smartfonlary üçin öňünden million sargyt almagy başardy. Korporasiýanyň wekilleri bu netijä bir hepdäniň dowamynda ýetendiklerini belleýärler.
Bu netije «Samsung» üçin rekorddyr. Geçen ýyl kompaniýa «Galaxy Z Flip4» we «Fold4» üçin öňünden 970 müň sargyt alypdy. Alyjylar esasan hem «Galaxy Z Flip5-e» isleg bildirýärler, bu eplenýän smartfon üçin 714 müň adam ýüz tutdy, ýagny ol sargytlaryň 70%-ni eýeleýär. «Galaxy Z Fold5» bolsa 306 müň sargyt aldy.
«Biz näme üçin ulanyjylaryň «Galaxy Z Flip5-i» saýlaýandyklaryna düşünýäris – onuň özünden öňki nusgalara görä, ulanmak üçin has amatly bolan uly ekrany bar» diýip, hünärmenler belleýärler.
