Täze Hyundai Santa Fe krossoweri 2023-nji ýylyň 10-njy awgustynda hödürlener. Bu barada motor1.com tarapyndan habar berilýär.
Model barada doly maglumat ilkinji görkezilişiň geçjek güni çap ediler, ýöne şeýle-de bolsa, onuň teker bazasynyň ulaldylandygy we öňdäki gyrasy, häzirki krossowere garanda, biraz gysgaldylandygy eýýäm mälimdir. Awtoulagyň täze neslinde giňiş salon we bagaž bolar. Ikinji we üçünji hataryň oturgyçlary tekiz poly emele getirip, ýygnalýar. Öňki panelde iki ekranly (hersi 12,3 dýuýmlyk) gönüburçly modul bar.
Geçirişiň dolandyrylyşyna rul sütünindäki aýratyn saýlaýjy jogap berýär we merkezi tunelde smartfonlara simsiz zarýad bermek üçin iki platforma ýerleşýär.
Awtoulag täze 2,5 litrlik benzin turbo hereketlendirijisini alar. Herekete getiriji – doly.
