Hytaýyň «Huawei» we «Chery» kompaniýalary «Luxeed» kysymly elektrikli sedany tanyşdyrdylar diýip, lenta.ru habar berýär.
«Luxeed» iki hytaý kompaniýasynyň bilelikde döreden kärhanalarynyň adydyr, täze sedan bolsa bu haryt nyşanynyň ilkinji awtoulagydyr. Elektrikli awtoulag «E0X» platformasynda işlär, onda 700 km üçin niýetlenen «CATL» batareýasy ýerleşdirildi.
Täze ulag «Huawei ADS 2.0» sürüjisiz dolandyryş ulgamy, 11 sany HD kamera, millimetr diapazonly 3 radar we 12 sany ultrases radary bilen üpjün edildi. «Luxeed» kompaniýasynyň wekilleriniň bellemeklerine görä, bu ulag sürüjisiz 200 km ýol geçmäge ukyplydyr. Ulagy «HarmonyOS 4» operasion ulgamy dolandyrar.
«Huawei» kompaniýasynyň wekilleri «HarmonyOS 4» operasion ulgamy arkaly elektrikli awtoulagy smartfony, noutbugyň we şol ulgamda işleýän beýleki enjamlaryň kömegi bilen dolandyrmagyň mümkindigini belleýärler.
«Luxeed» elektromobili 2023-nji ýylyň üçünji çärýeginde satylyp başlanar.
