Huawei korporasiýasy smartfon bazarynda ornuny berkidýändigini habar berdi.
«Huawei Consumer Business Group» kompaniýasynyň baş direktory Ýuý Çendun «Huawei Developer Conference 2023» maslahatynda eden çykyşynda 2023-nji ýylyň ikinji çärýeginde «Huawei» kompaniýasynyň Hytaýyň smartfon bazaryndaky ornunyň rekord derejede 76,1% çenli artandygyny belläp geçdi.
IDC guramasynyň maglumatlaryna görä, 2023-nji ýylyň ikinji çärýeginde «Huawei» kompaniýasynyň ýerli smartfon bazaryndaky orny 13%-e deň boldy. Bu görkeziji boýunça ol «Xiaomi» bilen deňleşdi we bäşinji orny eýeledi. Bellenilmegine görä, Hytaýyň smartfon bazarynda «Huawei» we «Apple» kompaniýalaryndan başgalarynda ösüş görülmedi.
Özara bäsdeşlige garamazda, «Huawei P60» we eplenýän «Mate X3» telefonlarynyň satuwy gowy netijeler gazandy.
