12-nji awgustda Londonda geçirilmeli britaniýaly super agyr agramly söweşijiler Entoni Joşua (25-3, 22 KO) bilen Dillian Uaýtyň (25-3, 22 KO) arasyndaky söweş ýatyryldy. Bu barada çäräniň promouteri Eddi Hirn öz “twitterinde” habar berdi diýip, championat.com belleýär.
Hirniň aýtmagyna görä, oňa antidoping agentliginiň wekilleri ýüz tutup, Uaýtyň gadagan edilen serişdeler üçin barlagdan geçmändigini habar berdiler. Dillian üçin bu şular ýaly ilkinji ýagdaý däl. Ýakyn wagtda çäre barada täzelenen maglumat neşir ediler.
Şeýle-de, söweşijiniň barlagdan geçmändigi baradaky maglumatyň Britaniýanyň boks geňeşine iberiljekdigi we ýakyn wagtda bu iş boýunça derňewiň başlap biljekdigi habar berilýär.
Dillian Uaýt 36 ýaşynda. Noýabr aýynda geçirilen soňky söweşinde britaniýaly emin agzalarynyň tapawutly karary bilen amerikaly Jermeýn Franklini ýeňdi.
