Garyşyk söweş sungatynyň (MMA) ýarym orta agram derejede çykyş edýän amerikan söweşijisi Kolbi Kowington UFC-niň resmi sanawyndan çykaryldy we promouşeniň resmi saýtynda karýerasyny tamamlan hökmünde görkezildi.
Kowington MMA-daky karýerasyna 2012-nji ýylda başlap, UFC-de ilkinji gezek 2014-nji ýylda çykyş etdi. Onuň iň gowy netijesi yzygider gazanan ýedi ýeňşi boldy. 2018-nji ýylyň iýunynda ol braziliýaly Rafael Dos Anýosdan üstün çykyp, ýarym orta agramda UFC-niň wagtlaýyn çempiony titulyny gazandy. Soňra bellenilen senede gürrüňsiz çempion Taýron Wudlä garşy uruşmakdan ýüz öwrendigi üçin, bu titulyndan mahrum boldy.
Kowington soňky alty söweşinde dört gezek ýeňildi. Ol iň soňky ýeňşini UFC 272 ýaryşynda Horhe Maswidala garşy söweşde gazandy, şondan soň Leon Edwardsdan we 2024-nji ýylyň dekabrynda Hoakin Bakliden ýeňildi.
2026-njy ýylyň martynda Kowington özüniň Ak tamda geçiriljek UFC ýaryşynyň söweş sanawyna girizilmändigine nägilelik bildiripdi.
