Paýtagtymyzda, şeýle hem tutuş ýurdumyzda meşhurlyk gazanan «Çaý» restorany ýaňy-ýakynda 1 ýaşady. Eýsem, «Aşgabat» söwda we dynç alyş merkezinde ýerleşýän bu restoranyň nämesi meşhur?
Dünýäde seýrek duşýan käriň eýesi bu restoranda işleýär
Çaýyň ys hem tagam görkezijilerine baha bermäge, şeýle hem onuň ysyny, düzümini suratlandyrmaga ukyply bolan adama çaý somelýesi diýilýär. Ine dünýädäki seýrek käriň eýesi Türkmenistanda hem bar. Ol «Çaý» restoranynda işleýär. Kähalatlarda çaý somelýeleri çaýyň dünýäniň haýsy künjeginde ösdürilip ýetişdirilendigini kesgitlemäge hem ukyply bolýar. Başgaça oňa titester hem diýilýär. Iňlisçe «tea» (çaý) hem-de «test» (synag) sözleriniň utgaşmasyndan ybaratdyr.
Bu restoranda çaýyň şeýle bir görnüşi kän welin, olary sanap gutaryp bolmazlygy ahmal
Şähdiňi açýan çaý, ýadawlygyňy aýyrýan çaý, gan basyşyňy kadalaşdyrýan çaý, öt halta üçin peýdaly çaý, içege üçin çaý, iýmit siňdirişi gowulandyrýan çaý, çaýdan kokteýl... Çaýyň ynsan saglygy üçin peýdaly aýratynlyklarynyň bardygyny hemmeler tassyklar, emma onuň haýsy görnüşiniň nähili aýratynlyklara eýedigini welin diňe şol ugurdan ökde hünärmenler has anyk aýdyp biler.
Irden hem çaý, agşam-da...
«Çaý» restorany günüňi kofe bilen başlamak ýörelgesini üýtgedip, günüňi çaýdan diňe bir başlap däl, eýsem, günüňi çaý bilen tamamlap bolýandygyny hem ýatladýar. Munuň üçin restoranyň eltip bermek hyzmaty her gün 9:00-dan 22:00-a çenli elýeterlidir. Ýöne şonda-da, restoranda bar bolan çaýlaryň käbir görnüşini içmek üçin hökmüny suratda şol ýere barmaly bolar. Çünki çaý somelýesiniň düşündirmegine görä, çaýlaryň käbir görnüşi gaplara gaplananda peýdaly täsirini gaçyrýar.
«Çaý» restorany sport bilen meşgullanýanlary hem ýatdan çykarmady. Sport bilen meşgullanýanlar üçin türgenleşiklerden soň içilýän çaýdan kokteýl hödürlenilýär.
Çaýyň taýýarlamagyň inçe syrlaryny ylmy esasda öwrenmekde türkmen halkynyň Milli Lideri Gurbanguly Berdimuhamedowyň «Çaý — melhem hem ylham» kitaby nusga alyndy.
Maşgala bolup dynç almak üçin ýer
«Çaý» restorany bir ýylyň içinde halk arasynda şeýle meşhur bolmagynyň sebäpleriniň biri hem bu ýer maşgala restoranyna öwrüldi. Bu ýerde tutuş maşgalaň bolup dynç almak üçin ähli şertler bar. Restoranda diňe çaý däl, eýsem, tagamlaryň hem dürli görnüşleri bar. Restoranda türkmen hem daşary ýurtlaryň ýörgünli tagamlary hödürlenilýär. Türkmen milli tagamlaryny taýýarlamakda «Bereketli türkmen saçagy» kitabyndan nusga alyndy.
Galyberse-de, işewür duşuşyklary çaý başynda geçiriň
Işewür gepleşikleri edaralarda ýa-da şuňa meňzeş resmi ýerlerde geçirmek islemeýänler üçin «Çaý» restorany tüýs ýerine düşüp biler. Bu ýerde möhüm gepleşikleri, işewür duşuşyklary erkin ýagdaýda çaý başynda geçirmek mümkin.
Bulardan başga-da bu restoranda toý-sadakalaryny, doglan günlerini hem ýokary derejede gurnap bolýar.
«Çaý» restoranyna baranyňyzda çagalaryňyzy hem hökman ýanyňyz bilen alyp geliň, çünki siz maşgalaňyz bilen dynç alýan wagtyňyz körpeler restoranyň çagalar meýdançasynda oýnap bilerler. Ene-atalar bolsa, planşetden çagalaryny yzarlap bilerler.
Eltip bermek hyzmaty bar!
Habarlaşmak üçin telefonlar:
18-00-20; 18-00-30; 18-00-50
Salgysy: «Aşgabat» söwda we dynç alyş merkezi, 1-nji gat, B-1, 33
