«Türkmenistan» awiakompaniýasy Aşgabat — Moskwa — Aşgabat ugurlaryndaky gatnawlary 2023-nji ýylyň 8-nji awgustyndan 28-nji oktýabry aralygynda togtadylýandygyny habar berdi. Bu barada awiakompaniýa resmi saýtynda habar berdi.
Russiýa Federasiýasyna uçuşlar Aşgabat — Kazan — Aşgabat ugurlarynda amala aşyrylar.
Awiakompaniýa internet sahypasynda ýolagçylara şu aşakdaky teklipleri hödürleýär:
1. Biletleriň ugruny uçuş ugruny üýtgetmek:
Aşgabat — Moskwa — Aşgabat ugruna berlen biletler, ýolagçynyň razyçylygy bilen, Aşgabat — Kazan — Aşgabat ugurlaryna tölegsiz üýtgediler. Kassalarda bileti gaýtadan almak zerur däl. Ýolagçylar biletde görkezilen senä we wagta görä Aşgabatda we Kazanda howa gämisine münmek üçin bellige alnyp bilerler.
2. Bileti yzyna gaýtarmak:
Aşgabat — Kazan — Aşgabat uçuşlary üçin biletleri üýtgetmek islemeýän ýolagçylara, awiakompaniýanyň häzirki düzgünlerine we görkezmelerine laýyklykda tutumsyz doly yzyna gaýtarylar. Yzyna gaýtaryp bermek diňe bilet satyn alnan ýurtda edilýär.
Şeýle hem «Türkmenistan» awiakompaniýasy saýtynda «oňaýsyzlyk üçin ýolagçylardan ötünç soraýar we düşünenleri üçin ýolagçylara sagbolsun aýdýar».
