Türkmenistanyň Gazagystan Respublikasyndaky ilçisi Batyr Rejebow Astanada Yragyň wagtlaýyn ynanylan wekili Jaber Najma Adbullah Al-Temimi bilen duşuşdy diýip, türkmen ilçihanasynyň resmi web sahypasy habar berýär.
Duşuşykda taraplar Yragyň wekilleriniň Aşgabat şäherine saparyny guramagy ara alyp maslahatlaşdylar we olar saparyň dowamynda gün tertibine girizilip bilinjek, Türkmenistan bilen Yragyň arasyndaky hyzmatdaşlygyň geljegi uly ugurlary barada pikir alyşdylar.
Diplomatik wekilhanalaryň ýolbaşçylary ykdysady, medeni we ynsanperwer ugurlarda döwletara gatnaşyklary ösdürmegiň zerurdygyny aýtdylar. Şol bir wagtyň özünde taraplar ýangyç we energetika toplumyndaky hyzmatdaşlyga ýokary baha berdiler.
Iýul aýynda tebigy gaz bilen üpjün edijileri gözlemek üçin Yrakda gyssagly ýygnak geçirilendigini ýatladýarys. Duşuşyga gatnaşyjylar respublikanyň Türkmenistandan "mawy ýangyjy" import edip biljekdigini bellediler.
