Moskwa — Aşgabat we Aşgabat — Moskwa ugurlary boýunça satyn alnan awiabiletler Kazan — Aşgabat we Aşgabat — Kazan ugry boýunça uçmak üçin hereket edýär.
«Moskwa — Aşgabat ugry boýunça petekleri bolan ýolagçylary Kazan howa menziline we Aşgabatdan gelýänleri Kazan howa menzilinden Moskwa mugt eltiljekdigini ýatladýarys» - diýip, «Türkmenistan» awiakompaniýasynyň Russiýadaky baş edarasy «WKontakte» sosial ulgamyndaky resmi sahypasynda ýazýar.
Ýolagçylardan awiabiletde görkezilen uçuş wagtyndan 3 sagat öň Domodedowo howa menziline gelmek hem-de täzelikleri yzarlamak haýyş edilýär.
TmCars-yň öň habar berşi ýaly, «Türkmenistan» awiakompaniýasy 2023-nji ýylyň 1-nji awgustyndan başlap, «Türkmenhowaýollary» tarapyndan amala aşyrylýan Aşgabat — Moskwa — Aşgabat ugry boýunça yzygiderli gatnawlaryň togtadylýandygyny habar berdi. Russiýa uçuşlar Aşgabat — Kazan — Aşgabat ugry boýunça ýerine ýetiriler.
