Şu gün — 3-nji awgustda türkmen halkynyň Milli Lideri Gurbanguly Berdimuhamedowyň maşgalasy Ogulgerek Berdimuhamedowa agtyklary bilen bilelikde Türkmenistanyň Döwlet medeniýet merkeziniň Döwlet muzeýine gelip, Ogulabat ejäniň taýýarlan we nesillere miras goýan alajalaryny we alaja taýýarlamakda ulanan iş guralyny muzeýe gowşurdy.
Mälim bolşy ýaly, Gurbanguly Berdimuhamedowyň käbesi Ogulabat eje özüniň manyly ömrüni nesil terbiýesine we gelin-gyzlaryň asyrlar aşyp gelýän el hünäriniň ösdürilmegine, kämilleşdirilmegine bagyşlady.
Taryhy ähmiýetli çärä gatnaşyjylar Türkmenistanyň Halk Maslahatynyň Başlygy Gurbanguly Berdimuhamedowyň amala aşyran beýik işlerine, sagdyn durmuş ýörelgeleriniň işjeň tarapdary, sportuň dürli görnüşleri we çeper döredijilik bilen meşgullanýan durmuş pursatlaryndan düşürilen surat eserlerine bagyşlanan sergi gymmatlyklary bilen tanyşdyrlar.
Muzeýde goýlan gymmatlyklaryň hatarynda Gahryman Arkadagymyzyň kyblasy Mälikguly aganyň şol gazaply uruş ýyllarynda ýazan goşgulary, şeýle hem Gahryman Arkadagymyzyň döreden eserleri, aýdym-sazlary baradaky maglumatlara möhüm orun berlipdir.
Ogulgerek Berdimuhamedowa öz gezeginde haly dokamagyň özboluşly aýratynlygy, çitimleriniň inçeligi barada gürrüň berdi.
